2.1 Կողմերի միջև ծագող իրավահարաբերությունները

Ընկերությունը Պատվեր ստանալուն պես, այն անմիջապես փոխանցում է խոհարարներին և համապատասխան սեղմ ժամկետներում կատարում առաքում: Եթե որևէ պատճառով առաքումը հնարավոր չէ կազմակերպել, ապա Ընկերությունը հնարավորինս շտապ տեղեկացնում է Հաճախորդին այդ մասին: Ընկերությունը պատասխանատվություն է կրում Պատվերի որակի և առաքման որակի համար՝ մասնավորապես առաքման ուշացման կամ այլ խնդիրների համար։

2.2 Առցանց վճարում

Առցանց վճարման հետ կապված որևէ խնդիր առաջանալու դեպքում Հաճախորդը կարող է դիմել Ընկերությանը՝ զանգահարելով 043-31-21-01 հեռախոսահամարով կամ ուղարկելով էլեկտրոնային նամակ [email protected] հասցեով: Ընկերությունը պատասխանատվություն չի կրում Հաճախորդի վճարումների ուշացման, չեղարկման, ինչպես նաև վճարային այլ խնդիրների դեպքում։

2.3 Բողոքներ և առաջարկներ

Հաճախորդը դժգոհությունների, առաջարկների կամ այլ մեկնաբանությունների դեպքում կարող է զանգահարել 043-31-21-01 հեռախոսահամարով կամ էլեկտրոնային նամակ ուղարկել [email protected] հասցեով: [email protected]

2.4 Նամակներ և անցանկալի նամակներ (Սպամ)

Երբ հաճախոդրը տրամադրում է իր անձնական տվյալները, մասնավորապես իր էլեկտրոնային հասցեն, ապա համաձայնվում է մասնակցել գովազդային արշավներին և ստանալ էլեկտրոնային նամակներ նոր ապրանքների և առաջարկների մասին։ Հաճախորդը կարող է հրաժարվել այդ նամակների ստացումից սեղմելով «Հրաժարվել» (Unsubscribe) կոճակը, որը գտնվում է ստացած նամակում: Այդ դեպքում միակ նամակը, որը Հաճախորդը կստանա Ընկերության կողմից, կլինի Պատվերի հաստատման նամակը:

2.5 Հեղինակային իրավունքի պաշտպանություն

Կայքում առկա ողջ տեղեկատվությունը ներառյալ, սակայն չսահմանափակվելով՝ Կայքի դիզայնը, տեսաձայնագրությունները, տեքստերը, գրաֆիկ պատկերները, լոգոները, ծրագիրը, պատկանում են Ընկերությանը՝ հեղինակային իրավունքով, կամ վերջիններս ունեն դրանք օգտագործելու համապատասխան լիցենզիա կամ այլ իրավական հիմք: Վերոնշյալ մտավոր սեփականության օբյեկտները պաշտպանվում են ՀՀ օրենսդրությամբ սահմանված կարգով:

2.6 Քեշբեք

Ընկերությունը կարող է իր գրանցված օգտատերերին տրամադրել քեշբեքի օգտագործման իրավունք՝ Ընկերության կայքի միջոցով առցանց կատարված յուրաքանչյուր առաքման պատվերի գումարի 2%-ի չափով: Այս գումարը կուտակվում է Հաճախորդի հաշվին և կարող է օգտագործվել Հաճախորդի կողմից հետագայում Ընկերության կայքի միջոցով առաքման պատվերներ կատարելու համար: Նման կուտակված գումարները կարող են օգտագործվել ինչպես մասնակի, այնպես էլ ամբողջությամբ։ Քեշբեքով կուտակված գումարը չի կարող փոխանակվել փողի հետ կամ օգտագործվել այլ նպատակով կամ այլ վայրերում, բացառությամբ սույն պարբերությունում նշված դեպքերի: