Ջրի մասին
Ջուրն օրգանիզմի առողջության, նյութափոխանակության, քաշի հաշվեկշռի կարգավորման լավագույն միջոցներից է։
Ջրի օրական պահանջն օրգանիզմում 2-3 լիտր է, սակայն կախված մի շարք հանգամանքներից սա կարող է փոփոխվել․ տարիքը, ֆիզիկական ակտիվությունը, եղանակային պայմանները և այլ հեղուկներ պարունակող մթերքները կարող են ազդել այդ չափաբաժնի վրա։
Սննդաբաններն ասում են՝ երբ արդեն ծարավ ես զգում, ուրեմն օրգանիզմդ հասցրել է ջրազրկվել։
Միլոն առաջարկում է ջուր խմելու համար կազմել գրաֆիկ օրինակ այսպես․
Պարտադիր է ջուր խմել՝
- Արթնանալուց անմիջապես հետո,
- Մեկ բաժակ սնվելուց առաջ (կես ժամ-մեկ ժամ առաջ),
- Մեկ բաժակ սնվելուց հետո (կես ժամ-մեկ ժամ հետո),
- Մեկ բաժակ մարզվելուց առաջ,
- Մեկ բաժակ մարզվելուց հետո:
Փորձի՛ր այնպես անել, որ չհասցնես զգալ ծարավը։
Իսկ այստեղ ներկայացնում ենք մի քանի հետաքրքիր փաստեր ջրի մասին՝
- Մարդն իր կյանքի ընթացքում խմում է 35 տոննա ջուր,
- Իր կարևորությամբ ջուրը երկրորդն է՝ թթվածնից հետո,
- Երբեմն ուղեղը ծարավի ազդանշանը «շփոթում է» քաղցի ազդանշանի հետ և մարդիկ սնվում են ջուր խմելու փոխարեն
- Ջրի չարաշահումը վնասակար է օրգանիզմի համար,
- Թեյն ու սուրճը նույնպես համարվում են հեղուկ օրգանիզմի համար,
- Ջրի օգտագործման համար հստակ ցուցումներ չկան, յուրաքանչյուր օրգանիզմ յուրովի է զգում ջրի պակասը:
Եվ վերջում հիշի՛ր, աշխարհում կան վայրեր, որտեղ ջուր խմելն ու ջրից հագենալը երազանք է, ուստի գնահատի՛ր քեզ տրված հնարավորությունն ու վայելիր մաքուր ջուրը։