Իտալական խոհանոցի գաղտնիքները
Հանրահայտ շեֆ խոհարար Սքոթ Հարրիսն ասել է․ «Հիանալի իտալական ուտեստի գաղտնիքը պարզությունն է, պետք է ուշադրություն դարձնել մանրուքներին»։
Այս միտքը մեզ ստիպեց ուսումնասիրել իտալական խոհանոցի գաղտնիքները և կիսվել ձեզ հետ։
Եվ այսպես այսօր մենք միասին կբացահայտենք աշխարհի ամենահին, բայց տարիներ շարունակ լավագույն համարվող Իտալական խոհանոցի գաղտնիքները։
- Օգտագործեք թարմ կանաչիներ. մաղադանոս, ռեհան, օրեգանո, նանա․․․ կանաչիներն օգնում են ստեղծել էթնիկ և պատմական համեր։
- Մի՛ չարաշահեք սխտորը. այն փաստը, որ շատ սխտորն ավելի համեղ է դարձնում ուտեստը միֆ է։ Իտալական ուտեստներն արդեն իսկ հարուստ են թարմ բաղադրիչների համերով և երբեմն շատ սխտորը խանգարում է ճիշտ համ ստանալուն։
- Օգտագործեք շատ ջուր. պաստան եփելիս հիշեք, որ այն շատ ջուր է պահանջում։ Վերցրեք մեծ թավա և լցրեք շատ ջուր, ոչ մի դեպքում պաստային չավելացնեք զեյթունի ձեթ, քանի որ իտալացիների համար դա մեղք է պաստայի նկատմամբ։
- Պաստան շատ մի՛ եփեք. հանեք պաստան ջրից, երբ դեռ ջուրը չի վերջացել։ Բայց հիշեք նաև, որ պաստայի ջուրը չի կարելի թափել, այն պետք կգա ձեզ սոուս պատրաստելիս։
- Գնեք որակյալ բաղադրիչներ. Իտալիայի շուկաներ մուտք գործելիս կզարմանաք մթերքների բազմազանությունից և թարմությունից։ Ընտրեք ամենալավ և թարմ բաղադրիչները՝ ձեր ուտեստին յուրահատկ համ տալու համար։
- Մի՛ օգտագործեք կետչուպ. երբեք մի՛ լցրեք կետչուպ պաստայի վրա այն էլ իտալացու աչքի առջև, դա նույնպես մեղք է։
Եվ վերջում հիշե՛ք, որքան պարզ է ուտեստը, այնքան յուրահատուկ է. մի քանի թարմ բաղադրիչներն էլ բավարար են, որ դուք ստանաք ամենահամեղ իտալական ուտեստները։ Հենց դրանում է գաղտնիքը։